էլեկտրոնային դասագրքեր

Ձեր Ընտրությունը Հայ Արքաներ Այբբենարան Այբուբեն Հայ քաղաք. մտքի պատմ-ուն Հայրենագիտություն Երաժշտություն Իմ Առաջին Ընթերցարանը Առակների շքահանդես Ես իմ անուշ Հայաստանի Սովորիր Այբուբենը 1988-Բաց դաս 10 Հայ Ականավոր Արքաներ

Sevak Amroyan - Axpers u Yes Minus

Հայոց Այբուբենի Թագադրումը

ՀԱՆԴԵՍԻ ՆՅՈՒԹԵՐ

Պետական խորհրդանիշներ
ՀՀ և ԼՂՀ պետական դրոշներ
ՀՀ և ԼՂՀ պետական զինանշանները Պետական խորհրդանիշները՝ դրոշը, զինանշանը և օրհներգը, պետության ինքնիշխանության պաշտոնական տարբերանշաններ են:
Պետական դրոշ

Պետական դրոշը որոշակի գույնի (գույների) ու չափի պաստառ է՝ ամրացված սրածայր ձողի վրա: Դրոշը գործածվել է դեռևս Հին աշխարհի երկրներում՝ առավելապես ռազմական նպատակներով՝ որպես զինվորների հավաքի ու համախմբվելու, հեռվից լավ տեսանելի նշան: Դրոշի օգտագործման վերաբերյալ հայոց ամենավաղ տեղեկությունը կապված է Հայկ Նահապետի անվան հետ. գալով Բզնունյաց ծովի (Վանա լիճ) շրջանը՝ նա իր դրոշն է պարզել մի ժայռի վրա:
Արյունից ծորած երիզ մի կարմիր, Երկնքից պոկված կտոր մի կապույտ, Հասուն հասկերի շող նարնջագույն Եվ դարերի հավատի դրոշ Եռագույն: Անդրանիկ Ծառուկյան, բանաստեղծ
«ՀՀ պետական դրոշի մասին» ՀՀ օրենքով (15. 06. 2006) Հայաստանի Հանրապետության դրոշը Հայաստանի առաջին հանրապետության (1918–20 թթ.) եռագույն դրոշն է՝ կարմիր, կապույտ, նարնջագույն հորիզոնական հավասար շերտերով՝ լայնության և երկարության 1:2 հարաբերությամբ: Կարմիրը խորհրդանշում է հայ ժողովրդի մշտական պայքարը՝ հարատևման, Հայկական բարձրավանդակի, քրիստոնեական հավատի, Հայաստանի անկախության և ազատության համար, կապույտը՝ ապրելու կամքը խաղաղ երկնքի ներքո, նարնջագույնը՝ հայ ժողովրդի արարչական տաղանդն ու աշխատասիրությունը: ԼՂՀ դրոշը (հաստատվել է ԼՂՀ ԳԽ 1992 թ-ի հունիսի 2-ի որոշմամբ) Հայաստանի Հանրապետության դրոշի նման է, ավելացված է միայն սպիտակ եռանկյունաձև նախշանկար, որը խորհրդանշում է մայր Հայաստանից Արցախի բաժանումն ու անկախության հռչակմամբ վերամիավորումը: Գույների խորհուրդը նույնն է: Պետական դրոշը ծածանվում է հանրապետության նախագահի նստավայրի, Ազգային ժողովի, Կառավարության, Սահմանադրական դատարանի, պետական տարածքային կառավարման և տեղական ինքնակառավարման մարմինների, դատարանների, դատախազությունների, Մարդու իրավունքների պաշտպանի, Կենտրոնական բանկի, դիվանագիտական ներկայացուցչությունների, հյուպատոսությունների շենքերի և փոխադրամիջոցների վրա, ինչպես նաև օրենքով սահմանված այլ տեղերում: Պետական դրոշը բարձրացվում է հանրապետությունում մարզական պաշտոնական առաջնությունների բացման և իջեցվում փակման արարողությունների ժամանակ, բարձրացվում է նաև հայ մարզիկներին միջազգային մրցումներում մրցանակային պարգևներ հանձնելիս:
Պետական զինանշան

Պետական զինանշանը խորհրդանշում է երկրի հասարակական-քաղաքական կարգը: Զինանշանների սաղմերն ի հայտ են եկել նախնադարյան հասարակարգում, առկա են նաև Հին աշխարհի ժողովուրդների բազմաթիվ խորհրդանշային պատկերներում: Վաղ անցյալում ազնվականական կամ իշխանական տները, երբեմն նաև առանձին անձեր, պետության կազմի մեջ մտնող վարչատարածքային միավորներ նույնպես ունեցել են իրենց զինանշանները: «ՀՀ պետական զինանշանի մասին» ՀՀ օրենքով (15. 06. 2006) Հայաստանի Հանրապետության զինանշանը Հայաստանի առաջին հանրապետության զինանշանն է: Հեղինակներն են ճարտարապետ Ալեքսանդր Թամանյանը և նկարիչ Հակոբ Կոջոյանը: Զինանշանի կենտրոնում՝ վահանի վրա, պատկերված են Արարատ լեռը՝ Նոյյան տապանով, և պատմական Հայաստանի 4 թագավորությունների՝ Բագրատունիների (վերևից՝ ձախ), Արշակունիների (վերևից՝ աջ), Արտաշիսյանների (ներքևից՝ ձախ), Ռուբինյանների (ներքևից՝ աջ) զինանշանները: Վահանը պահում են արծիվը (ձախից) և առյուծը (աջից), իսկ վահանից ներքև պատկերված են սուր, ճյուղ, հասկերի խուրձ, շղթա ու ժապավեն: ԼՂՀ զինանշանին (հաստատվել է ԼՂՀ ԳԽ 1994 թ-ի նոյեմբերի 23-ի որոշմամբ) հեղինակ՝ Լավրենտի Ղալայան) պատկերված է թևատարած արծիվ, որը կրում է Արտաշիսյանների արքայատոհմի թագը, իսկ գլխավերևում տարածվում են արևի ճառագայթները: Կենտրոնում՝ վահանի վրա, պատկերված են ԼՂՀ դրոշը (հորիզոնական դիրքով) և «Մենք ենք մեր սարերը» հուշարձանը՝ Մեծ Քիրս լեռան համապատկերին: Ներքևի մասում` արծվի ճանկերի մեջ խաղողի վազեր են, թթենու պտուղներ, ցորենի հասկեր: Վերևի կիսաշրջանաձև ժապավենի վրա հայերեն մակագրություն է՝ «Լեռնային Ղարաբաղի Հանրապետություն. Արցախ»: ՀՀ և ԼՂՀ զինանշանների պատկերները տեղադրվում են բոլոր այն շենքերի ճակատներին, որտեղ ծածանվում են ՀՀ և ԼՂՀ դրոշները:
Պետական օրհներգ
Պետական օրհներգը հանդիսավոր երաժշտական ստեղծագործություն է՝ գրված ծրագրային բնույթի բանաստեղծության խոսքերով: «ՀՀ պետական օրհներգի մասին» ՀՀ օրենքով (25.12.2006) Հայաստանի Հանրապետության օրհներգը Հայաստանի առաջին հանրապետության օրհներգն է՝ «Մեր հայրենիքը» (խոսքը` որոշ փոփոխություններով, Միքայել Նալբանդյանի, երաժշտությունը՝ Բարսեղ Կանաչյանի): ԼՂՀ օրհներգը «Ազատ և անկախ Արցախն» է (հաստատվել է ԼՂՀ ԳԽ 1994 թ-ի դեկտեմբերի 23-ի որոշմամբ, խոսքը՝ Վարդան Հակոբյանի, երաժշտությունը՝ Արմեն Նասիբյանի): Պետական օրհներգը պարտադիր հնչում է պաշտոնական հանդիսությունների ժամանակ պետական դրոշը բարձրացնելիս, նորընտիր նախագահի երդման արարողության, Ազգային ժողովի նստաշրջանների, հանրապետությունում անցկացվող զորահանդեսների, միջազգային և համապետական մարզական մրցումների պաշտոնական բացման ու փակման, միջազգային մրցաշարերում մրցանակային տեղեր գրաված մարզիկներին պարգևների հանձնման հանդիսավոր արարողությունների ժամանակ, ինչպես նաև օրենքով սահմանված այլ դեպքերում: Երբ հնչում է պետական օրհներգը, ներկաները ոտքի են կանգնում և դեմքով շրջվում դեպի պետական դրոշը, տղամարդիկ հանում են գլխարկները: Օրհներգը հեռարձակվում է երկրի տարածքում գործող բոլոր հեռուստա- և ռադիոընկերությունների եթերում՝ ամեն օր ժամը 6:00-ին ու 24:00-ին, Ամանորի գիշերը՝ Երևան քաղաքի Հանրապետության հրապարակի ժամացույցի զարկերից հետո:
ՀՀ պետական օրհներգի տեքստը
Մեր հայրենիք
Մեր հայրենիք, ազատ, անկախ, Որ ապրել է դարեդար, Յուր որդիքը արդ կանչում է Ազատ, անկախ Հայաստան:
Ահա եղբա՜յր, քեզ մի դրոշ, Զոր իմ ձեռքով գործեցի, Գիշերները ես քուն չեղա, Արտասուքով լվացի:
Նայիր նրան՝ երեք գույնով Նվիրական մեկ նշան, Թող փողփողի թշնամու դեմ, Թող միշտ պանծա Հայաստան:
Ամենայն տեղ մահը մի է, Մարդ մի անգամ պիտ մեռնի, Բայց երանի՝ որ յուր ազգի Ազատության կզոհվի:
“Խաչքար”,
այս բառը մաքուր հայկական է, կազմված “խաչ” և “քար” բառերից: Աշխարհում շատ քիչ էն այն ժողովուրդները, որոնք ունեն զուտ ազգային մշակույթի ճյուղ, որը հազարամյակներ շարունակ եղել է միայն իրենց սեփականությունը և ավելին, այդ ճյուղը հասցրել են կատարելության մինչև այն աստիճան, որ այն կարելի է որակել 'աստվածային' հատկանիշով: Աշխարհում այդպիսիների թվին են պատկանում հայերը: Շուրջ1200 տարի հայերն աշխարհին զարմացնում են իրենց այս ինքնատիպ արվեստով,խաչքարով: Իր զարգացման ընթացքում խաչքարային արվեստը անցել է երեք փուլ ( VII-IX դդ., IX-X դդ., XI-XIV դդ.), իր զարգացման գագաթնակետին հասնելով XIII XIV դդ.: Հայկական մտքի այս գլուխգործոցը բաղկացած է երեք մասից՝ պատվանդանից,տախտականման քարե սալից և դեպի ներս թեքություն ունեցող քիվից: Տախտականման սալըհիմնականում ուղանկյուն է, անմբողջովին զարդանախշ, կենտրոնում զարդահյուս խաչը,առնված վարդյակաձև քանդակազարդ գոտու մեջ: Քանդակազարդ է նաև քիվը, որտեղ նաևվիմագիր արձանագրությունն է: Զարմանալին այն է, որ խաչքարը լինելով ազգային, այն նաև խիստ անհատականմշակույթ է Հակաստանում, ոչ մի խաչքար նման չէ մյուսին, թվով շուրջ 10 000 խաչքարեր,պահպանելով ձևի ընդհանուր կանոնները, բացառապես տարբեր են իրենց նախշերով: Խաչքար Հայաստանում ամենուրեք է և կանգնեցվել է ամեն առիթով, բացառությամբ ծննդի կապակցությամբ: Իրենց բազմաբնույթ տարբերությամբ դրանք տարբեր են նաևչափերով, սկսաց 50 սմ բարձրությունից մինչև 6-8 մ, լայնությունը 30 սմ-1,5 մ, հաստությունը20-30 սմ: Արվեստի ամեն մի բնագավառ ունի իր ամենաբարձր գագաթը, որ անթերի է,կատարյալ ու անհասանելի: Խաչքարի արվեստի մեջ դա Պողոս (Պավգոս) վարպետիստեղծագործությունն է՝ բարեբախտաբար մեզ հասած մի քանի լավագույն դրսևորումներով,որոնք հայտնի են Գոշավանքի, Դեղձնուտի և Դադիվանքի համալիրներից, XIII դարի: Պողոսիխաչքարերը կոչվում են ՙԱսեղնագործ՚: Պետք է խոստովանել, որ դեռևս աշխարհում քարիայդպիսի նուրբ մշակում ոչ մի տեղ հայտնի չէ: Պողոսի մոտ միմիանց վրա բարձրանում եներեք նախշեր, նույնիսկ այնքան նուրբ լույսի և ստվերի խաղ է կիրառված, որ տեսնողինթվում է մի թափանցիկ շղարշ է իջնում խաչքարին: Կա նաև մի այլ ճշմարտություն, որպետք է խոստովանել՝ աշխարհում ոչ մի պոետ չի կարող բառերով նկարագրել XIII դարի այդմեծ մարդու արվեստը, այն պետք է միայն դիտել սեփական աչքերով և սեփական հոգու մեջզգալ, թե ինչքան առատաձեռն է Աստված իր շնորհների մեջ:

--------

Հայոց Բանակի 25 ամյակի տոնակատարության շրջանակներում, Հունվարի 22 ին Բելգիայի Թագավորության Կորտրեյկ քաղաքի ,, Նարեկ ,, Հայկական դպրոցում տեղի ունեցավ աշակերտների հանդիպումը ապրիլյան հայտնի դեպքերի ժամանակ վիրավորված Հայ Զինվոր՝ Արման Ավետիսյանի Հետ։ Աշակերտները մեծ խանդավառությամբ դիմավորեցին Զինվորին և Արմանի համար նախապատրաստել էին փոքրիկ հանդես ի պատիվ Հայոց Բանակի և Հայ Զինվորի։ Հանդիպման ընթացքում Արմանը պատասխանեց երեխաներին հուզող հարցերին ։ Դասարանում տիրող Հայենասիրական մթնոլորտը հուզել էր բոլոր ներկաներին:
-------- 1988 թվական, 7-ը դեկտեմբերի, 11:41․ 10 բալլ ուժգնությամբ երկրաշարժը 41 վայրկյանում Հայաստանի 41 տոկոսն ավերակի վերածեց: 25 հազար զոհ, 500 հազարից ավելի անօթևաններ: Ամենից շատ զոհ Գյումրիում էր՝ 17 հազար: Դեկտեմբերի 10ին ժամը 13․00ին տեղի կունենա բաց դաս ոգեկոչում 1988-ի երկրաշարժի զոհերի հիշատակին։
--------

Բելգիայի Կորտրեյկ քաղաքում գործող հայկական մեկօրա դպրոցը միացել է ՀՀ սփյուռքի նախարարության նախաձեռնած համահայկական շարժմանը՝
«Դու՛ ի՞նչես անում Ղարաբաղի համար»:
--------
Նոյեմբերի 20 ին տեղի ունեցավ Սուրբ Պատարագ , Կորտրեյկի Heilige Damiaankrk եկեղեցում, Սուրբ Պատարագն անցկացրեց՛ Արեւմտյան Եվրոպայի Հայրապետական Պատվիրակի Բենելուքսի փոխանորդ` Բրյուսելի Ս. Մարիամ Մագդաղեն Հայ առաքելական Եկեղեցու հոգեւոր հովիվ` Հոգեշնորհ Տեր Զատիկ վարդապետ Ավետիքյանը։
--------
Հոկտեմբերի 24ին Կորտրեյկ քաղաքում տեղի ունեցավ հանդիպում Արեւմտյան Եվրոպայի Հայրապետական Պատվիրակի Բենելուքսի փոխանորդ` Բրյուսելի Ս. Մարիամ Մագդաղեն Հայ առաքելական Եկեղեցու հոգեւոր հովիվ` Հոգեշնորհ Տեր Զատիկ վարդապետ Ավետիքյանի հանդիպումը քաղաքի հայ համայնքի հետ։ Քննարկվեցին համայնքում առկա խնդիրները և դրանց լուծման միջոցները։
--------
,,Նարեկ,, Հայկական Մշակութային Միությունը իր խորհին շնորհակալությունն է հայտնում ՀՀ սփյուռքի նախարարությանը` իդեմս նախարար Տիկին Հրանուշ Հակոբյանի, համայնքի դպրոցին դասագրքեր տրամադրելու համար: Մենք բարձր ենք գնահատում նախարարությա ոչ միայն այս այլեւ բոլոր այն նախաձեռնությունները, որոնք ուղղված են հայրենապահպանման նվիրական գործին:
Միության Նախագահ’ Ա. Ժամհարյան ACV Narek
--------

Դպրոցի տեսանյութեր

ՈՒՍՈՒՄՆԱԿԱՆ